LI QAMIŞLO ŞEHÎDÊN MEHÊN KANÛN Û ÇILEYÊ HATIN BI BÎR ANÎN

Xelkên bajarê Qamişlo îro bi merasîmekê 166 şehîdên mehên Kanûn û Çileyê li gororistana Şehîd Delîl Saroxan bi bîr anîn.

Bi sedan şênî, Endamên Meclisa Malbatên Şehîdan, Saziyên Sivîl û Partiyên Siyasî beşdarî merasîma bîranîna şehîdan bûn.

Di merasîman de piştî deqeyek rêzgirtin, axaftin ji aliyê Meclisa Malbatên Şehîdan û PYD’ê ve hatin kirin.

Axêveran sersaxî ji malbatên şehîdan re xwestin û soza şopandina riya şehîdan dan.

Piştî axaftinan, nasnameyên şehîdan hatin xwendin û radestî malbatên wan hatin kirin.

Merasîma bîranînê bi siloganên ” Şehîd Namirin ” bi dawî bû.