DORPÊÇA HIKÛMETA ŞAMÊ REWŞA JIYANÎ YA KOÇBERÊN EFRÎNÎ DIJWARTIR KIRIYE

Koçberên Efrînî ji Rojava TV re diyar kirin ku dorpêça Hikumeta Şamê bandoreke neyinî li jîyana wan kiriye û ew bi zehmetî pêdiviyên jiyanî dabîn dikin.
Her wiha dan zanîn ku dê dorpêç ti carî vîna wan neşkîne û ew ê li ber xwe bidin.

Ev dîmenên kampa Berxwedan ya koçberên Efrînî ne, tevî azarên Koçberiyê, lê Hikûmeta Şamê jî hawirdora wan dorpêç kiriye û nahêle pêdiviyên jîyanî derbas bibin.

Ji qada tenduristî û sotemenîyê bigire, heta bi qadên aborî û perwerdeyê zirareke mezin ji dorpêçê dîtine.

Koçberên Efrînî ji Rojava TV re weha behsa êş û azarên koçberî û dorpêçê dikin.

Tevî dijwarbûna dorpêç û êrîşan, lê çavê wan her li rêya vegerê û rizgarkirina Efrînê ye.

Firqeya çaran a ser bi Hikûmeta Şamê ve, ev serê çend salan e û bi taybetî bi hatina demsala Zivistanê re, bi awayekî sîstematîk dorpêçê dijwar dike, lê tevî vê yekê jî koçberên Efrînî her li ber xwe didin.