RÊXISTINÊN CIVAKA SIVÎL NAMEYEK JI RÊXISTINÊN MIROVÎ RE ŞANDIN

Rêxistinên Civaka Sivîl ji bo şermezarkirina êrîşên dewleta Tirk li dijî herêmê, nameyek ji bo rêxistinên mirovî şandin.
Bi dehan endamên sazî û rêxistan li çarxareya Dêra Aşûriyan ya Hesekê kom bûn û daxuyanî dan.
Di daxuyaniyê de hate gotin ku êrîşên dewleta Tirk a dagirker li dijî herêmê, li dijî pîvan û zagonên navnetewî ne.
Her wiha diyar kirin ku dewleta Tirk ji bo têkbirina aramiya li herêmê û binketina projeya Rêveberiya Xweser, êrîşên xwe li dijî herêma bakur û rojhilatê Sûriyê zêde dike.
Di dawiyê de, Rêxistinên Civaka Sivîl diyar kirin ku dê ev name radestî rêxistinên mafên mirovan û dewletên navnetewî bikin.