CENAZEYÊ ŞEHÎD CIWAN ELÎ LI GORISTANA ŞEHÎD DELÎL SAROXAN HAT OXIRKIRIN
Bi sedan şêniyên kantona Cizîrê Cenazeyê Şehîd Ciwan Elî, li goristana Şehîd Delîl Saroxan oxir kirin.
Koçberê Efrînî Ciwan Elî yê ku di encama êrîşa dagirkeriyê ya li dijî çapxaneya Sîmav de birîndar bibû, ji ber giraniya birînên xwe, roja 29’ê mehê gihaşt asta şehadetê.
Îro bi sedan koçberên Efrînî û xelkên kantona Cirîzê bi merasîmeke girseyî Cenazeyê Şehîd Ciwan Elî oxir kirin.
Her wiha di merasîmê de Şehîd Aya El- Mihemed jî ya ku di encama êrîşên dagirkeriyê de şehîd bibû, hate bibîranîn.
Di merasîmê de axaftin hatin kirin û soza tolhildana xwîna şehîdan hate dayîn.
Piştre wesîqeyên şehîdan radestî malbatê hate kirin û cenazeyê şehîd bi dirûşmeyên Şehîd namirin, hat oxirkirin.