Kanala ROJAVA TV

BERDEVKÊ YPG’Ê NÛRÎ MEHMÛD GEŞEDANÊN HERÎ DAWIYÊ DINIRXÎNE

Berdevkê Yekîneyên Partastina Gel YPG’ê Nûrî Mehmûd ji Rojava TV re ragihand ku, di van êrîşên dawiyê de ti nuqteyên wan nehatine hedefgirtin û dewleta Tirk şehîdxistina sivîlan ji bo xwe weke serkeftinekê dibîne.
Her wiha da zanîn ku, êrîşên Tirkiyê dibin sedema zindîbûna çeteyên DAIŞ’ê.

Dewleta Tirk a dagirker ji 23’yê vê mehê ve bi dijwarî êrîşî binesaziya herêmê dike û sivîlan şehîd dixe.

Wezareta Parastinê ya dagirkeriya Tirk idîa dike ku wan baregeh û nuqteyên şervanên YPG’ê û QSD’ê hedef girtine.

Têkildarî mijarê û armancên êrîşên dewleta Tirk Berdevkê Yekîneyên Partastina Gel YPG’ê Nûrî Mehmûd ji Rojava TV re nirxandin kir.

Nûrî Mehmûd diyar kir ku, ti nuqteyên wan nehatine hedefgirtin û dewleta Tirk şehîdxistina sivîlan ji bo xwe weke serkeftinekê dibîne.

Her wiha Nûrî Mehmûd bal kişand ser metirsiyên çeteyên DAIŞ’ê û da zanîn, êrîşên Tirkiyê dibin sedema zindîbûna DAIŞ’ê.

Di dewama nirxandinên xwe de Berdevkê YPG’ê Nûrî Mehmûd behsa bêhelwestiya Hevpeymaniya Navdewletî kir û aşkere kir ku ew li gorî berjewendiyên xwe yên berteng tevdigerin.