RÊVEBERIYA XWESER HELWESTA GEL YA LI DIJÎ ÊRÎŞAN SILAV DIKE
Cîgirê Hevserokatiya Meclîsa Cîbicîkar a Rêveberiya Xweser Hesen Koçer ji Rojava TV re ragihand ku dewleta Tirk dixwaze gelê Kurd qir bike.
Her wiha da zanîn, armanca êrîşên li dijî Asayîşê jinavbirina aramiya herêmê û zindîkirina DAIŞ’ê ye.
Têkildarî êrîşên dewleta Tirk ên li dijî herêmê, cîgirê Hevserokatiya Meclîsa Cîbicîkar a Rêveberiya Xweser Hesen Koçer beşdarî bernameya taybet a Rojava TV bû û geşedanên dawiyê nirxand.
Hesen Koçer got, dewleta Tirk dixwaze gelê Kurd qir bike.
Her wiha diyar kir, armanca Tirkiyê birçîkirina gel û guhertina demografya herêmê ye.
Di berdewamiya nirxandinên xwe de Hesen Koçer da zanîn ku, dagirkerî bi hedefgirtina Hêzên ewlekariyê dixwaze aramiyê têk bibe.
Cîgirê Hevserokatiya Meclîsa Cîbicîkar a Rêveberiya Xweser Hesen Koçer helwesta gelê herêmê ya li dijî êrîşan silav kir û banga xurtkirina pergala xweparastinê kir.