LI MINBICÊ ROLA REWŞENBÎRAN YA DI NAVA CIVAKÊ DE HAT NÎQAŞKIRIN
Yekîtiya Rewşenbîran a Kantona Minbicê ji bo nîqaşkirina rola rewşenbîran ya di nava civakê de, komxebatek li dar xist.
Komxebat bi beşdariya nûnerên saziyan û rewşenbîrên Minbicê hat lidarxistin.
Di komxebatê de rola rewşenbîran ya di rêxistinkirin û xurtkirina hestên civakê de hate nîqaşkirin.
Her wiha hate gotin ku divê rewşenbîr di vê qonaxê de bi roleke erênî rabin û rûdanên şoreşê belge bikin.
Piştre deriyê nîqaşê hate vekirin û rewşenbîran diyar kirin ku ew ê rola xwe bi awayekî çalaktir pêk bînin.