KONGRA STAR JI DEMA DAMEZRANDINÊ VE LI HEMBER TUNDIYÊ TÊDIKOŞE
Bi boneya 25’ê Mijdarê Roja Têkoşîna li dijî Tundiya li ser Jinê, endamên kongra star ên Şehbayê ji Rojava Tv re diyar kirin ku jinê ji bo azadkirina civakê gelek berxwedan û têkoşîn kir .
Her wiha destnîşankirin ku ji bo 25 ‘ê Mijdarê wan civîn û semîner li gelek gund û navçeyan li darxistine .
Hişmendiya serdest bi hezarê salane, bi çewisandin û tepisandinê, xwe li ser jinan rewa kiriye û navê jinan ji dîrok, aborî, siyaset, civak û hwd. rakiriye.
Jin tenê wek ‘kevaniya malê, dayik, xwişk, pênase kiriye.
Li dijî vê hişmendiya zordest û mêrperastan hertim jinan jî li ber xwe daye û serî ji desthilat û tundrewan re ne tewandiye.
Derbarê mijarê de endamên kongra star destnîşan kirin ku jinê gelek têkoşîn kir ji bo ku civakê azad bike .
Endamên Kongra Star diyar kirin ku ji bo 25’ê Mjidarê wan civîn û semîner li gelek gund û navçeyan lidarxistin.
Ji bo 25’ê mijdarê roja têkoşîna li dijî tundiya li ser jinan sazî û rêxistinên jinan ên Bakur û Rojhilatê Sûriyê ji 13’ê mijdarê ve rojane çalakiyan li dar dixin.