LI KOBANÊ MÊR LI DIJÎ TUNDIYA LI SER JINAN MEŞIYAN

Bi wesîleya 25’ê Mijdarê Roja Têkoşîna li dijî Tundiya li ser Jinê, mêrên herêma Firatê li bajarê Kobanê daketin qadan û li dijî tundiyê meşiyan.

Bi sedan mêrên herêma Firatê di bin dirûşmeya ‘Li dijî her cûre tundî û dagirkeriyê, Jin, Jiyan, Azadî’ meşiyan.

Meş ji qada Şehîd Egîd dest pê kir û li Qada Jina Azad veguherî mîtîngê.

Di mîtîngê de, axaftin hatin kirin û hate diyar kirin ku divê êdî li dijî hişmendiya serdest a dîrokî her kes dakeve qadan.

Piştre koma Hîlala Zêrîn û Koma Şano a Şehîd Yekta çalakiyeke çandî li dar xistin.

Meş bi dirûşmeya “Jin, Jiyan, Azadî” bi dawî bû.