CIWANÊN EFRÎNÊ ÊRÎŞA LI DIJÎ NAVENDA CIWANAN A MINBIC ŞERMEZAR KIRIN

Ciwanên Efrînî yên ku li kampa Serdem a Şehba bicih dibin êrîşa dewleta Tirk li dijî navenda Ciwanan a Minbic şermezar kirin û teqez kirin ku vîna ciwanan bi êrîşan naşkê û biryara wan her dem berxwedan û têkoşîne.

Bertek û nerazîbûnên li hember hedefgirtina navenda Ciwanan a Minbic zêde dibin û ciwanên herêmê jî ji 10’ê cotmehê ve li hember bûyerê bi hêrsin.

ciwanên Efrînî yê li Kampa serdem ya şehba dimînin peyamên xwe bi rojava tv re parvekirin.

Rêveberiya Tevgera Ciwanan Li Kampa Serdem Hêva Elî dibêje vebijêrka ciwanan a sereke li hember êrîşên Tirkiyê Şerê Gelê Şoreşgerî ye.

Rêveberê Ciwanên Şoreşger li Kampa Serdem Êrîş Efrîn jî got êrîşên tirkiyê vîna ciwanan naşkîne û emê êrîşên tirkiyê vala derxin.

Dewleta tirk a dagirker bi hemû rê û rêbazan dixwaze vîna gelê azadîxwaz têk bibe , lê li hember vê yekê vîna gel û bi taybet ciwanan xurtir dibe .