Kanala ROJAVA TV

DESTEYA KARÛBARÊN CIVAKÎ YA ŞEHBAYÊ DEST BI BELAVKIRINA MAZOTÊ KIR

Desteya Karûbarên Civakî ya Efrînê dest bi belavkirina 100 lître mazot li her malbatekê li kantona Şehbayê kir.

Endamên Deste û Encumenên Kantonê dibêjin ku ew ê ji bo derbaskirina zivistanê li gor derfetên heyî mazotê li tevahî gel belav bikin.

Ji ber Dorpêça Hikumeta Şamê a li dijî Kantona Şehbayê, Xelkên wê û Koçberên Efrînî di nava Şert û mercên jiyanê yên zehmet de dijîn.

Rêveberiya Xweser jî tevî derfetên Kêm hewl dide tevahî pêdiviyên gel ên wekî mazot û her weki din dabîn bike.

Desteya Karûbarên Civakî a Efrînê dest bi belavkirina 100 lître mazot li her malbatekê kir.

Endamê encumena Navçeya Ehdasê Fozî Mustefa Got ku nêzî 5 hezar malbat li Şehbayê dijîn, ew jî hewl didin ku mazot bighêje tevahî malbatan.

Li aliyekî din Endama Koordînasyona Desteya Karûbarên Civakî Zozan Neasan diyar dike ku ew ê ji bo derbaskirina zivistanê li gor derfetên heyî mazotê li tevahî gel belav bikin.

Herî dawî ji ber êrîşên dewleta Tirk a dagirker li dijî binesaziya Herêmên Bakur û Rojhilatê Sûriyê, gelek zirar gihîştin zeviyên Petrolê jî. Ji ber vê yekê Rêveberiya Xweser gotibû ku ew ê zehmetiyan di peydakirina mazotê de bibîne.
Li Şehbayê jî ji ber dorpêça Hikûmeta Şamê her sal zehmetiyên peydakirina Mazotê hene.