DEWLETA TIRK HEDEFGIRTINA AVAHIYÊN STRATEJÎK ÊN HERÊMA CIZÎRÊ DIDOMÎN E
Balafirên şer û yên bê mirov û bi çek ên dewleta Tirk a dagirker hedefgirtina avahiyên stratejîk ên herêma Cizîrê didomînin .
Herî dawî balafirên dagirkeran cihê parzûnkirina petrolê ya li nêzî stasyona Siwêdiyê ,stasyona kehrebeyê ya li Tirbespiyê û istasyona ceyranê ya Qamişlo bombebaran kirin
Balafirên şer û yên bê mirov û bi çek ên dewleta Tirk a dagirker hedefgirtina avahiyên stratejîk ên herêma Cizîrê didomînin .
îro Di seatên nîvro de Balafirên dewleta Tirk a dagirker cihê parzûnkirina petrolê ya li nêzî stasyona Siwêdiyê û stasyona kehrebeyê ya li Tirbespiyê bombebaran kirin .
Di heman demê de balafireke bê mirov û bi çek a dewleta dagirker stasyona kehrebeyê ya li rojhilatê navçeya Tirbespiyê bombebaran kir. Di encamê de agir bi stasyonek ket û ji xizmetê derket.
Her wiha istasyona ceyranê ya li taxa Meysenun a Qamişlo careke din bombebaran kir. Di Encamê de ziyana madî çêbû.
Balafirên dewleta dagirker duh jî heman istasyon bombebaran kiribû û di encamê li îstasyonê şewat derketibû.
Her wiha balafiran cihên gaz û petrolê yên ku dikevin sînorên navçeya Dêrikê hedef girtin.
Doh jî balafirên şer ên dewleta Tirk a dagirker nexweşxaneya Korona ya gundê Girê Vira ya bajarê Dirêkê hedef girt.
Di encama bombebaranê de nexweşxane hat rûxandin û zirarên madî çêbûn.
Di heman demê Artêşa Tirk a dagirker bi obîsan gundê Um El Kêf ê dikeve rojavayê navçeya Til Temirê ya kantona Hesekê da ber topan .
Her wiha balafirên dagirkeran noqteya hêzên Hikûmeta Şamê ya li navbera gundên Aqîbê û Soxanekê yên girêdayî navçeya Şêrawa ya Efrînê bombebaran kir.
Di bomberanê de leşkerek birîndar bû.