ÊRÎŞÊN DEWLETA TIRK A DAGIRKER ÊN LI DIJÎ HERÊMÊ DIDOMIN

Xelkên Kantona Şehbayê êrîşên dewleta Tirk ên li dijî Herêmên Bakur û Rojihlatê Sûriyê Şermezar kirin û destnîşan kirin ku Armanca dewleta Tirk a dagirker vejandina împratoriya osmanî ye.

Dewleta Tirk a dagirker û çeteyên wê êrîşên xwe yên li dijî herêmên Bakur û Rojhilatê Sûriyê, zêdetir kirine.

Dagirker di êrîşên xwe de sivîlan dike hedef û jiyana wan dixe metirsiyê de.

Li hember van êrîşan Xelkên Herêmê bi israreke mezin li ber xwe didin û bi xaka xwe ve girêdayî ne.

Xelkên Kantona Şehbayê destnîşan kirin ku Armanca dewleta Tirk ji êrîşan vejandina împratoriya Osmanî ye.

Xelkên Şehbayê dane zanîn ku êrîş û binpêkirinên dewleta Tirk ên li dijî Herêmê li ber çavê civaka navneteweyî bê ku hesab bixwaze têne kirin.

Xelkên Kantona Şehbayê tekez kirin ku ew li pişt hêzên xwe ne û wê planên Dagirkeriya Dewleta Tirk vala derxînin.