PÊKHATEYÊN DÊRA ZORÊ PIŞTGIRIYA XWE BI OPERASYONA ‘XURTKIRINA EWLEHIYÊ’ RE NÎŞAN DAN

Pêkahteyên herêma Dêra Zorê derbarê operasyona ‘Xurtkirina Ewlehiyê’ ku ji aliyê Hêzên Sûriyaya Demokartîk ve hatiye destpêkirin ji Rojava Tv re axivîn û piştgiriya xwe ji operasyonê re ragihandin û bang li şêniyên Dêra Zorê kirin ku piştgiriyê bidin Hêzên Sûriyaya Demokratîk.

Ev demeke êrîşên terorîst ji aliyê şaneyên DAIŞ’ê ve li ser xelkên ewle, rûspiyên herêmê û hêzên ewlehiyê têne kirin.

Ji bo van êrîşên terorîstane civîn di navbera Hêzên Sûriyeya Demokrarîk û şêx û rûspîn herêma Dêra Zorê de hat lidarxistin û li gorî daxwaza şêx û rûsrpiyên herêma Dêra Zorê Hêzên Sûriyeya Demokratîk QSD êvara 27’ê Tebaxê operasyona ‘Xurtkirina Ewlehiyê’ li herêma Dêrazorê û Rojhilatê Çemê Firatê dest pê kir.

Têkildarî mijarê xelkên bajarê Minbicê axivîn.

Mehana Qasim derbarê girtina şaneyên DAIŞ’ê de got: “Em dixawazin ev operasyon li dijî şaneyên çeteyên DAIŞ’ê zêdetir bibin û çete li ku deverê hebin bên giritin”.

Her wiha Şêxê Eşîra Benî Seîd şêx Fehed Şilaş piştgiriya xwe bi operasyonê re nîşan da û diyar kir ku hêzên wan yên leheng bi berdewamî ji bo ewlehî û aramî li herêmê pêk were di nava liv û tevgerê de ne.

Herî dawî Navenda Ragihandina QSD’ê eşkere kir ku hejmara çeteyên ku di operasyona ‘Xutkirina Ewlehiyê’ ya Hêzên Sûriyeya Demokratîk de hatin girtin, gihişt 11 çeteyên DAIŞ’ê, 8 bazirganên madeyên hişber û 3 êrîşkar jî hatin kuştin.